L'ERA movilízase énte la fuelga del 29-S.
L'Ensame República Asturiana (ERA) va desendolcar delles aiciones énte la fuelga xeneral d'esti miércoles 29 de setiembre. El llema escoyíu pol coleutivu qu'integren delles organizaciones y coleutivos soberanistes y independentistes ye “PSOE, PP, IU, UXT y CCOO son la crisis d’Asturies”. ERA convoca una concentración el martes 28 de setiembre a les 20:00 hores n'Uviéu.
L'actu va cellebrase ente les sedes de CCOO, FADE y FSA-PSOE n’Uviéu (cai Santa Teresa). Pal propiu día 29 de setiembre, l'ERA va participar con un cortexu propiu col llema “PSOE, PP, IU, UXT y CCOO son la crisis d’Asturies” na manifestación convocada pola Corriente Sindical d'Izquierda peles cais de Xixón y que tien salida a les 13’00 hores dende la Plaza l'Humedal.
Fonte: Infoasturies.
