Martxelo Otamendi, director del diariu ‘Berria’, únicu periódicu escritu íntegramente n’euskera, y antiguu responsable máximo del clausuráu ‘Egunkaria’, va dar una charla esta tarde n’Uviéu que lleva’l nome de ‘Egunkaria libre’. Va ser a les 20 hores nel llocal Cambalache, asitiáu na cai Martínez Vigil 30 d’Uviéu.
El periodista vascu va esplicar tolos detalles del casu ‘Egunkaria’, periódicu clausuráu nel 2003 por orde del xuez Juan Del Olmo por considerar que pertenecía al conglomeráu empresarial de sofitu a ETA, dalgo que la xusticia española tovía nun foi quién a demostrar con pruebes. Otamendi presentó una denuncia ante’l Tribunal de Derechos Humanos de La Haya por tortures tres la so detención nel 2003 que l’Estáu español nun quixo investigar.
Fonte: Infoasturies
