martes, 13 de enero de 2009

Darréu y Fai! cola llucha del pueblu palestín.



Los medios señalen, "España" golpea duru.




Nun ye casualidá pero una vegada más los medios ficieron el trabayu suciu a les fuercies d'ocupación, políticos, xuezes y demás xentecalla que nun tién un res más que facer que condergar tolo que salgase de los valores d'esti Estau impuestu por un dictador tresformau por arte de maxia en democracia que dicen dalgunos illuminaos, con una prestosa y "campechana" monarquía, claro.

Y ye que los medios ayeri tornaron a facer lo que más yos presta, criminalizar xabazmente y manipular a la xente pa que de-y la espalda a ún mozu como pue ser Fer, pero que podría ser cualquier otra persona con unos emtamos ideolóxicos contrarios a lo que representa l'españolismu ranciu d'esta prensa qu'anguañu manda n'Asturies. El diariu xixones El Comercio nun dulda en rellacionar a Fer, les bombes, ETA, la llingua asturiana,Andecha Astur y tol movimientu de lliberación nacional asturianu , amestalo too, facer un panfletu-noticia y sacar a la lluz un potaxe que solu falta-y dicir que "los malvados independentistas comen niños españoles". Asina, la Voz de Asturias y La Nueva España van na mesma llinia que'l periódicu xixonés pero dalgo mas seles y comedios, faciendo un analisis na noticia de la xornada d'ayeri que bien podía facela Antonio Trevín nel so despachu de Delegación de Gobiernu.

Güei muncha xente anda na cai falando del casu Fer gracies a lo que llee nestos diarios "asturianos" y el xuiciu del mozu independentista y n'estensión de tolos independentistes sedrá que son unos "comeguah.es ensín tiesta". Estos medios a la so vez, nun tienen nengún enfotu de censurar el comportamientu de la xuez Ángela Murillo la cual riese nel so trabayu de la llingua asturiana amosando el tipu d'idegues que tendrá y xuzgando a una presona por motivos políticos.
Dafechu la prensa asturiano defiende o protexe la figura de la xuez poniendo de malu a Fernando G.R., el cual tenía garantizau pola Audiencia Nacional que podría espresase na so llingua con un interprete d'asturianu-castellanu. Esti drechu que-y garantizó el tribunal d'esceición español, ñegase a Fer, el cual viendo que'l so xuiciu dende un émtamu ye una farsa, ñegase a declarar. Llueu la prensa asturiano señala que los solidarios que fueron a Madrid a sofitar al mozu independentista fueron agresores de la prensa, tapeciendo la verdá, ya que foi la prensa la que provocó a los manifestantes asturianos ya incluso agredió. Esti mecigayu de mentires rastreres sigui cuando la prensa diz nes sos llinies que Fer ye'l culpable d'una riestra de daños y delitos que naide puer prebar nin siquiera los tribunales y tapece, con esta mentira el braeru xacíu de la so comparecencia en Madrid. El problema ye que la xente llee dende la prensa estos panfletos arecistes y españolistes ensín muncha diferencia col Arriba y traga con ello, y si pocu manipulau ta'l pueblu, los medios afonden más nesti problema, tapeciendo la verdá gastando tonelaes de papel y cartuchos de tinta.

El poder d'esta prensa mariella y neofacista qu'anguañu tenemos nesti pais ye ablucante y nun hai más que ver los comentarios que dexa la xente nes sos ediciones dixitales, falando de democracia y na mesma llinia falando como braeros facistes católicu-apostólicos-romanos. El gobiernin y la so mafia puen tar tranquilos, tanto en Madrid como n'Uviéu, mentantu esta prensa qu'ellos mesmos faen, pues nun hai otra desplicación al asuntu, siga calteniendo el poder informativu nesta nación. Areces y Trevín ente otrxs, nun tienen más que protexendose colos panfletos qu'asoleyen, a los cuales nomen prensa, y condergar cola so policía a cualquiera que-yos moleste. Manque digamos muncho escontra esta prensa españolista de calter puramente burgués nun podremos valtiala ensín el sofitu popular que necesitamos, poro, lo meyor que podemos facer ye estender el nuesu mensaxe como fae la prensa de la mentira na medía posible que tenemos nós y emplegar la contrainformación como mediu de comunicación ente nós, los que creyemos entá na crítica a esti sistema en crisis y esta España coles manes enllenes de sangre gracies a la so imposición xabaz.


Ensín mas, l'Estau coles prebes que salen de los diaros podrá siguir faciendo lo que-y pete basandose nes "informaciones fiables" qu'asoleyense a diariu na prensa, el brazu armau del Estau nun ta nidio ya quien ye, ¿ la policía o la prensa ? Xuzguen ustedes mesmos.

"Caltenganse panchos, lleean esti panfletin y faigan casu a lo que'l poder yos diz bona xente"



Más noticies y semeyes de lo qu'asocedió ayeri en Madrid.


Nes caberes hores apaez más imformaciones en prensa y medios contraimformativos. Ente estos escolingo equí el resumen de lo asocediu ayeri por Infoasturies y delles semeyes espublizaes en Glayiu y otros medios.

Ángela Murillo: "Nun tien derechu a falar na llingua que-y dé la gana a usté".


Angela Murillo, maxistrada de la audienciaNacional española, protagonizó un nuevu casu de torga de derechos llingüísticos a un ciudadanu asturianu al refugar la interprete asturianu-castellán que se-y concediere al acusáu Fernando G.R. "Si nun pueo falar n'asturianu nun declaro", afitó "Fer" énte'l posicionamientu d'Angela Murillo qu'alegó qu'ella, nacida n'Estremadura, "tamién podría facelo en castúo" pero entoncienes nun la "entenderíen".

El ciudadanu asturianu tenía concedíu'l derechu a un intérprete pero la xuez Ángela Murillo negóse a que declarare n'asturianu, con intérprete, porque «nun ye nenguna llingua oficial», pesie a les protestes de les dos lletraes de la defensa presentara una protesta ente'l tribunal, al que acusó de vulnerar l'artículu 24 de la Constitución por nun permitir al so cliente "espresase na so propia llingua"..

«¿Ratifica la declaración judicial?». «Sí, ratifícola». Foi la única entruga que retrucó Fernando G.R na Audiencia Nacional española y foi cortáu por facelo n'asturianu y pola so insistencia n'espresase énte'l tribunal na llingua d'Asturies. «En lengua castellana no voy a declarar», manifestó. "Nun tien derechu a falar na llingua que-y dé la gana a usté", llegó a dicir Murillo, presidenta de la Seición Cuarta de la Sala de lo Penal de l'AN ya impunxó-y l'idioma castellanu porque ye "l'idioma oficial" y que lu conocía "perfechamente".

Pel momentu, entá nun hebo dengún pocisionamientu d'instituciones o muerganismos venceyaos a la defensa de los derechos llingüísticos y d la Llingua Asturiana.


Semeya de Ángela Murillo, la xuez:


Semeyes d'ayeri de lxs solidarixs pa con Fernando:

























¡¡ASTURIES PUXA POR FER!!