domingo, 11 de enero de 2009

L'audiencia nacional xulga mañana llunes al militante independentista Fernando G.R.


En la madrugada del llúnes 12 de xineru un autobús va colar d'Asturies p'hacia a Madrid con solidarios/es que van prestar el so sofitu a Fernando G.R., independentista asturianu acusau de terrorismu en 2005 y que va ser xulzgau a les 11:00 hores del llunes 12 xineru n'Audiencia Nacional, Madrid.

Pasate esta nueche a les 2:00 hores pola estación de la FEVE en Xixón o a les 2:30 hores de la madrugada pola La Gesta d’Uviéu pa sumate al viaxe en sofitu a Fer (30 euros) a Madrid que organiza Sofitu.

Así mesmu, varios coletivos de la izquierda asturiana y madrileña, llamen a concentrase el llunes 12 xineru mientres cellebrese el xuiciu, a les 11:30 hores, xunto a la Audiencia Nacional (Metro Colón, Madrid) pa mostrar el sofitu a Fer G.R. y dexar nidiu que "Defender Asturies nun ye delitu".




Darréu llama a la llucha y la solidariedá frente a la estratexa represiva escontra la mocedá asturiana


Darréu quier facer pública una llamada a revelase y lluchar escontra la estratexa represiva que l’estáu español t’aplicando n’Asturies escontra la xuventú independentista y antifacista.

Ye pernecesario que les y los xovenes asturianos s’impliquen nes campañes de sofitu, solidariedá y denuncia de los DOS CASOS DE REPRESIÓN MAS GRAVES ANGUAÑU N’ASTURIES:

  • El 12 de Xineru xulguen na Audiencia Nacional española en Madrid al mozu independentista Fernando González por un delitu d'estragos terroristes en grau de tentativa. La petición fiscal ye de 8 años de cárcel.

  • Del 20 al 24 d’abril (demientres 5 díes) xulgaráse a los 14 imputaos deteníos demientres la protesta antifacista en Cangues d’Onís. Nesti xuiciu coleutivu la fiscalía pide penes de fasta 4 años y mediu de prisión y una cuantía en conceutu de multa que suma más de 65.000 euros.

Per otru llau, ye necesario remembrar tamién les continues ya innumerables sanciones económiques a les que mos enfrentamos les muerganizaciones y coleutivos xuveniles y que formen parte de la mesma estratexa d’acosu y desgaste del movimientu xuvenil independentista, revolucionariu y antifacista n’Asturies.

Dende Darréu camentamos qu’esta escalada represiva, evidentemente, nun ye una casualidá sinón una rempuesta agresiva del estáu español ente la creciente capacidá organizativa y combativa de la mocedá asturiana que ta siendo capaz de xenerar un movimientu xuvenil llevantáu nes idees del socialismu y la independencia d’Asturies.

¡¡Escontra la represión Solidariedá y Llucha!!

¡¡Puxa Asturies Llibre y Socialista!!