lunes, 30 de noviembre de 2009

Solidariedá cola mocedá d'Euskal Herria.


El pasáu sábadu dalgo más de 20000 presones salieron a les cais de Bilbo a vindicar el drechu del pueblu vascu a decidir por si mesmu y a refugar les detenciones a les moces y mozos independentistes.
Tamien n'Asturies la organización xuvenil Darréu asoleyó un comunicáu que reproducimos equí:

La Mocedá Independentista d’Asturies ente’l caberu casu de represión a la mocedá abertzale

El pasáu 24 y 25 de payares 24 mozos y moces, supuestos militantes de la organización Segi foron prindaos pola policía española y la guardia civil. Amás, les fuercies d’ocupación ficieron decenes de rexistros n’otres tantes cases, centros sociales y chigres de calter independentista con dellos saquéos. El númberu ye de 92 rexistros. La operación policial tuvo presente en Bizkaia, Araba Guipuzcuoa y Nafarroa. Estos díes siguieron los rexistros y les detenciones.
Dende Darréu queremos amosar el nuesu sofitu colos compañeros represaliaos y secuestraos pol Estáu facista español. Camentamos que la so llucha ye la nuesa, y qu’ente la xuventú debemos de tar xunios. Xuníos pa lluchar escontra’l mesmu enemigu: España, y polos mesmos oxetivos, la independencia y el socialismu de los nuesos pueblos. Asina animamos a la mocedá asturiano a solidarizase colos deteníos, y damos-y tol nuesu sofitu a la mocedá d’Euskal Herria pa siguir lluchando.

Nun ye denguna sorpresa, pero paezmos preocupante esta última operación. Preocupante por que foron deteníos pol simple fechu de ser xóvenes independentistes y socialistes. Por pensar asina, por tener eses idegues, llexítimes nun supuestu Estáu de drechu. Pero non, una vegada más, l’estáu "democráticu" español viola la pallabra democracia, de la que tantu presume y secuestra a xóvenes pa convertilos en presos políticos. L’estáu nun tien denguna escusa p’acusalos de “terroristes”, y nun pue facer otra cosa más que repetir una mentira mil vegaes, y asina convertila nuna verdá nos sos medios de manipulación. Esta ye la democracia española moderna y tolerante, y cualesquier mozu o moza pue sofrila pol simple fechu de tener idegues propies.

Dende Darréu creemos que la dinámica violento-represiva nun ye namás qu’un pasu p’atrás nel camín a la paz pa Euskal Herría, camín qu’intentó plantegar la Izquierda Abertzale fai unes selmanes y que foi refugáu pol españolismu a les primeres de cambiu. Tal paez ser que l’españolismu necesita esti conflictu pa intentar xustificar de dalguna mena la so represión. Y facer d’esta represión dalgo ensín fin, anque tean les de perder.

Asina, desiximos la puesta en llibertá de los independentistes deteníos. Desiximos tamién que tolos proyeutos políticos y sociales seyan respetaos nel Estáu español y que la mocedá vasca pueda espresase llibremente ensin mieu a les represalies del capital-facismu español. Pedimos a les organizaciones revolucionaries de mocedá d’Asturies y del mundiu enteru que seyan conscientes d’esti grave casu y tomen el camín de la solidariedá colxs demás compañeros de llucha.

Por últimu, facemos públicu, otra vuelta, el nuesu rechazua la llei de partíos y la llei antiterrorista. Lleis que siempres van a cayer sobre los mesmos, onde paez que namás hai unos culpables y son culpables en función de los sos ideales. Atalantamos qu’estes tienen un fonderu xacíu antidemocráticu. Solo’l llibre drechu de les ciudadanes y ciudadanos vascos mediante’l procesu d’autodetermín iguará’l conflictu, respetando’l camín qu’esti pueblu tome democráticamente.

¡Llibertá pa los 34 xóvenes independentistes vascos!

Puxa Asturies llibre. Gora Euskal Herria Askatuta.

Darréu cellebra la readmisión de Pablo Barroso y da-y la norabona.

Comunicáu de la organización de mocedá independentista ente la readmisión del trabayador en Duro Felguera:

La Mocedá Independentista Revolucionario quier da-y la norabona a Pablo Barroso, trabayador de Duro Felguera, despedíu de Felguera Construcciones Mecánicas, despedíu por ser un emplegáu incómodu y al cual la empresa tendrá que readmitir. Esto vien de que’l trabayador y sindicalista ganó’l xuiciu y el so despidu resultó improcedente, noticia que recibió Pablo’l pasáu miércoles.

Animamos dende Darréu a que tolos trabayadores tomen l’exemplu de Duro Felguera y sigan organizándose en defensa de los sos drechos llaboral y cola fin de tener un presente más dignu que fadrá del futuru dalgo meyor. Agora la empresa tendrá que readmitir al trabayador, el cual escoyió tornar a trabayar y refugó la indemnización de más de 35.000 euros.

Creyemos qu’esta noticia a pudo ser otra si nun fuera pola solidaridá de la clas obrera, en concretu los sos compañeros y compañeres de DF, que secundaron una fuelga de 24 hores y s’aconceyaron delantre los xulgaos el díi del xuiciu. Poro, hai qu’eloxar la rempuesta popular de los trabayadores, qu’evidenció lo illegal del despidu.

Nin los ERES, nin la represión, nin les amenaces, nin la especulación van facer que dexemos a los que manden vender Asturies ensín facer un res nós. Caltenemos que ye un momentu de resistencia popular onde’l Pueblu Trabayador Asturianu tien de tar xuniu en defensa de los sos drechos y d’un trabayu dignu, que faiga de fuercia de resistencia al desmantelamientu industrial, social y cultural que mos quieren llantar.

¡ Puxa’l Pueblu Trabayador Asturianu !

¡ Non a la represión llaboral de la patronal !

¡ Non al desmantelamientu d’Asturies !

miércoles, 25 de noviembre de 2009

10.000 · ASTURIANU OFICIAL · (Doi la cara pola Oficialidá del Asturianu)



Tú tamién pues dar la cara: www.doilacara.net

DARREU escontra'l desmantelamientu de les cuenques


Noticia de la páxina de Darréu:


"Militantes de les cuenques de la mocedá independentista revolucionario, DARREU, tuvimos presentes de mena crítica na movilización entamada en Llangréu
por UXT, CCOO y USO.

La manifestación entamada por les 3 grandes centrales sindicales baxo'l llema "Por unes Comarques pa vivir y trabayar", cunto con delles organizaciones que tuvieron presentes de mena crítica, ente les que tuvo Darréu. Asina, repartióse un comunicáu col envís de sacar les contradicciones de los convocantes y sofitar a los trabayadores que tan pagando la crisis del capital, anque nel casu de les cuenques y d'Asturies, la crisis social y económica seya permanente dende fai yá unes cuantes décades.

Comunicáu de Darréu nel manifestamientu:

DARRÉU ESCONTRA’L DESMANTELAMIENTU DE LES CUENQUES

LA ORGANIZACIÓN DE MOCEDÁ INDEPENDENTISTA SOFITA A LOS Y LES TRABAYADORES Y PARTICIPA NA MANIFESTACIÓN DE FORMA CRÍTICA COLES GRANDES CENTRALES CCOO Y UGT

Esti Martes 24 de Payares salimos a la cai en defensa de los puestos de trabayu, escontra’l desmantelamientu de les Cuenques. Les grandes centrales CCOO y UGT, les mesmes que güei convoquen esta manifestación, lleven años desmovilizando la llucha de clase y apagando conflictos perxudiciales pa les grandes empreses y esti sistema económicu, siempres con una amplia sonrisa y guapes pallabres, mientres por detrás firmen en Madrid y nel gobiernu títere del Principado reformes llaborales y cierres d’empreses, xugando con los ERES y conflictos llaborales como si de cromos se tratasen y onde los puestos de trabayu n’Asturies siempre lleven les de perder ya que nun somos prioridá nel so mapa políticu del estáu español.

Acaba de sabese que tamos otra vuelta a la cabeza, pero de los datos negativos. Asturies ye la nación del estáu con una mayor tasa de paru ente los menores de 25 años, con un 36,1% de desemplegu. Además ye onde más creció nel tercer trimestre del añu y tou indica que la cosa va siguir yendo a pior, ensin contar colos milenta emigraos al añu, lleendes urbanes según el PSOE. Too esto ye parte de la estratexa del PSOE-IU qu’al amparu de la patronal y les dos grandes centrales sindicales tan desfaciendo Asturies y tol so texíu productivu y llaboral, conviertiendos na fonte d’enerxía de bona parte del estáu coles centrales lléutriques pero condergando a la mocedá a la emigración o’l paru, afitando la muerte d’un país que ye l’únicu d’Europa que pierde población.

La única solución pasa pola recuperación de los seutores de seimpres, xunciedo modernización con caltenimientu de la tradición nel campu, recuperación de les empreses públiques en seutores estratéxicos como la minería y la siderurxía, ya innovando n’otros como’l forestal y sobre tou abandonando’l modelu especulativu, dando-y la espalda a quienes mos llevaren a esta situación y apostando por un modelu sindical y políticu combativu y de clase, hai que recuperar l’orguyu de ser trabayadores, l’orgullu de ser asturianos y asturianes. Dicennos que tamos en crisis ¿pero en cual? Asturies lleva 30 años en crisis y lo únicu que ficieron coles privatizaciones foi destruir milenta puestos de trabayu condergando además a la mocedá d’anguañu al paru. Nun tienen un plan p’Asturies, porque ye qu’Asturies y los asturianos nun tan nos sos planes, pa PSOE-IU-CCOO-UGT solo somos una “rexón de tercera”qu’apurres pocos votos al total estatal.

POLA RECUPERACIÓN ECONÓMICA Y SOCIAL DE LES CUENQUES
¡PUXA LA LLUCHA DEL PUEBLU TRABAYADOR ASTURIANU!"

L'españolismu sigue teniendo mieu al alderique y sigue emplegando la dinámica represivo-violenta.


La operación escontra Segi, organización de mocedá independentista vasca illegazada nel 2007, saldóse cola detención de 36 presuntos militantes de la organización xuvenil. Dende’l Ministeriu d’Interior español señalen na so nota que "los arrestaos presuntamente exercíen funciones de responsabilidá" na organización .

Les detenciones y rexistros fechos pola Policía Nacional y Guardia Civil na madrugada del llunes tuvieron llugar en distintes partes del País Vascu y Navarra. Un total de 650 axentes de les Fuercies de Seguridá españoles participaron na operación policial.

El xuez Fernando Grande-Marlaska dirixe la operación, que sigue abierta y nun se descarten nueves detenciones.

Los rexistros ficiéronse en cases, gaztetxes, herriko tabernas, asociaciones de vecinos y sociedaes gastronómiques. Ye la operación policial escontra Segi más grande nos años últimos. Los deteníos fueron treslladaos a Madril.

Les detenciones son frutu de la documentación que se-y incautó al presuntu miembru d’ETA Ekaitz Sirvent, deteníu en Francia.

La Izquierda Abertzale, inmersa anguaño nun fondu debate internu solidarízase colos xóvenes deteníos.ç

Fonte: Aruelu.




martes, 24 de noviembre de 2009

CONCIERTU PAYARES ANTIFACISTA


Esti sábadu 28 de payares a partir de les 19:00 hores nel clú Xuvenil de Villa (Riañu, Llangréu) NORA ANTIFA entama xunta'l coleutivu "Fíos del 34" el CONCIERTU PAYARES ANTIFACISTA (ofensiva 09) colos grupos: BRUTUS, ADIZIÓN ETÍLIKA, BRIGADA y DENTELLADA.

La folixa antifacista, de xermandía ente antifacistes de les cuenques del Nalón y del Nora y del restu d'Asturies(y del mundu), zarrarala DJ AK-47 y ta dedicada a tola xente que lluchó, que llucha y lluchará pa elliminar el facismu/capitalismu de les nueses cais.

Too ello faise col sofitu de "Llangréu Suena" y "Darréu" y la collaboración de La Picota, el H2 y Matteria.


Fonte: http://noraantifa.blogspot.com/

lunes, 23 de noviembre de 2009

Bloque críticu nel manifestamientu de mañana martes en Llangréu pol futuru llaboral nes cuenques


Postura de la CSI del Nalón y el Caudal( Castellán) :

La CSI de las Cuencas expresa su desacuerdo con los planteamientos que subyacen en la convocatoria realizada por CC.OO, UGT y USO para el martes 24 de noviembre. Tal y como se explica en un comunicado, esta manifestación llega tarde, consituye una respuesta insuficiente, maquilla una realidad plagada de EREs firmados por los convocantes y desvía la atención de la situación general de las Cuencas, donde además del paro nos encontramos con emigración, especulación urbanística, deterioro medioambiental... todo ello fruto de una política diseñada más allá del ámbito de las empresas y que, por tanto, debe ser contestada también más allá de éstas.

Para la CSI, la solución comienza por la construcción de un tejido productivo que responda a las necesidades sociales y a los problemas medioambientales, así como por el establecimiento de una Renta Básica o la defensa de la soberanía alimentaria.

A pesar de las críticas a los sindicatos CC.OO y UGT, la CSI participará en la manifestación -con salida a las 19:30 de la tarde del Parque Dolores Duro (La Felguera)- para exigir más movilizaciones contra la patronal y su Gobierno y en defensa de los intereses de los trabajadores de las Cuencas y de Asturias.

Asímismo, la Sección Comarcal de la CSI en el Valle del Nalón ha publicado un comunicado en el que denuncia el negocio que supone la crisis para muchas de las empresas creadas con los fondos mineros, distanciándose así de la imagen de la crisis como algo que nos afecta a todos por igual como la estaciones del año. Por otro lado, defiende la importancia de un sindicalismo combativo y la necesidad de una reactivación social mediante "la recuperación de la conciencia de clase perdida tras años de traiciones, frustraciones y desengaños que en muchos casos tienen como culpables a las organizaciones que ahora nos llaman a manifestarnos".

Crónica de la CAA del 20-P.


Pese a que la tarde del vienres foi una tarde de lluvia mas de 150 persones sumaronse a la manifestación convocada pola CAA a les 20 hores.
Tres una pancata na que podía lleese " +TRABAYU - POLITICOS" los manifestantes tomaron la carretera en Naval Xixón, ya que la policia nun fizo'l so trabayu.
La primera parada foi na puente xunta la comisaria nazional onde s'escolingó una pancata na que podía lleese "EQUÍ MATARON A DAVID BLANCO" con una flecha que señalaba la comisaría n'alcordanza del rapaz muertu nos sos calabozos el pasáu 26 d'Avientu del 2008 y cuyu casu siguí ensin esclariase.


Nuna manifestación combativa traques de petardos y canticos como "+ TRABAYU - POLICÍA" "OBRERU DESPEDÍU, PATRÓN COLGÁU" "PUXA ASTURIES ANTIFACISTA"... acompañaron a los antifacistes peles cais de Xixón que portaben banderes asturianes y de collores que portaben los militantes de la CAA.
Al finar la manifestación, fizose un mural na Casa Sindical cola cara de David Blanco y n'alcordanza de toles victimes de la dictadura de la democracia.
Dende la CAA valorose positivamente la manifestación ya que yera la primera que se convocaba unicamente como CAA.


L'anecdota foi protagonizada por unos megasuperactivistes neonanzis que demientres la manifestación trescurria peles cais xixoneses tiraron una bengala a la ANARXYA DISTRY, situada nos baxos de la casa sindical, glayaron " arriba ejpaña" y volvieron a metese nel so BMW pa dir, de xuru, a cellebrar tan importante trunfu de les idees supremacistes.






Pela nueche mas de 400 persones vibrarón col
ASTURIES ANTIFA ATTACK. La CAA agradez a SC GANJA SOUND, NEBULA SELEKTAH, DORIS, GOMERU, A QUEMARROPA y DIXEBRA LA SO DESINTERESADA COLLABORACIÓN, a tolos collaboradores y militantes l'esfuerzu realizáu y al publicu la so presencia.

Fai! entama un conciertu contra la ordenanza cívica n'Uviéu. ADIZIÓN ETÍLIKA, VINAGRE DE SIDRA + GRUPU INVITAU


La organización d'esquierda soberanista cellebrará esti vienres 27 en La Calleja la Ciega (Cai Martínez Vixil, 14) d'Uviéu un conciertu reivindicativu como reaición énte la más que posible aprobación de la "Ordenanza Cívica de Convivencia Ciudadana" del conceyu carbayón, que reprimirá al traviés de multes d'hasta 3.000€ la llibertá d'espresión nes cais d'Uviéu, acosará la mendicidá y a los "ensin papeles" y torgará les formes alternatives d'ociu mozu na capital d'Asturies.

El conciertu entamará a les 19.00 hores y cuntará cola participación d'Adizión Etílika, grupu de Hardcore de La Pola (L.lena) y Vinagre de Sidra (Punk de Xixón), xunto con un grupu convidáu. La entrada va ser de 3€ y durante'l conciertu desplicaráse en qué consisti esta ordenanza y les consecuencies qu'en forma de represión de les llibertaes va trayer consigo.

De la mesma manera, Fai! vien de consiguir qu'una propuesta de resolución relativa a la ordenanza d'esta organización fore aprobada nel Conseyu de la Mocedá d'Uviéu. Nella, esplicitábase que'l CMU va pidir una entrevista cola conceyala responsable de la "Seguridá ciudadana" pa treslladá-y les postures del Conseyu énte les normes represores del Ayuntamientu. Amás, el CMU y la so permanente comprometíense a facer un actu artísticu-reivindicativu nel que se diba pintar la fachada del Conseyu p'amosar la so refuga a la metodoloxía de les multes y les porres que Gabino quier pa Uviéu.



ORDENANZA REPRESORA ¡NON! CONVIVENCIA CIUDADANA Y DEMOCRACIA DIRECTA Y ASAMBLEARIA ¡SÍ!


N'Uviéu, a 23 de payares de 2009.

www.fai-asturies.org

El CMU asítiase a la escontra de la "ordenanza ciudadana" represora d'Uviéu arriendes d'una propuesta de resolución presentada por Fai!


Énte la que paez inminente entrada en vigor de la "Ordenanza de convivencia ciudadana" aprobada pol grupu popular del Ayuntamientu d'Uviéu, Fai!, organización d'esquierda asturiana, llevó al Comité Executivu del Conseyu de la Mocedá d'Uviéu, entidá qu'ostenta la representatividá del asociacionismu mozu d'Uviéu y la comunicación coles instituciones del conceyu, una propuesta de resolución d'urxencia con un posicionamientu énte esti tema.


Na resolución, que finalmente foi aprobada, pídese un conceyu del presidente del Conseyu de la Mocedá d'Uviéu, David Mérida, cola conceyala de Seguridá Ciudadana, Conchita García, pa treslladá-y les propuestes de la mocedá aprobaes pol Conseyu no que cinca al ociu y a les llibertaes d'espresión y artístiques nesti conceyu, que choquen frontalmente cola nueva ordenanza. Asina, pa rematar la oposición del Conseyu de la Mocedá, la permanente del CMU va confeccionar un mural artísticu y reivindicativu na fachada de la so sé a la escontra de la entrada en vigor d'esta ordenanza nueva y pola apertura d'un procesu de debate popular ente la ciudadanía no que cinca a estes temátiques nes que de xuru que va haber puntos d'entendimientu más alló de la vía represora, la de les multes y l'acosu, pola que paez apostar esti Ayuntamientu de Gabino de Lorenzo.

A xuiciu de Fai!, esta ordenanza penaliza y coarta d'una manera mui grave la llibertá d'espresión al traviés de campañes d'axit-prop o l'arte urbanu con penes de trés mil euros, por exemplu, al tiempu que tamién va torgar la mendicidá, la persecución a les prostitutes o de les espresiones populares d'ociu y consumu d'alcohol nes cais.


Fai! entiende qu'en realidá l'Ayuntamientu d'Uviéu regula per escrito lo que venía asocediendo de facto nos últimos años, cola persecución de les formes alternatives d'espresión, negándonos los calces tradicionales de difusión de convocatories, campañes etc. a los coleutivos sociales d'Uviéu, afogando les reivindicaciones que-y molesten, nun conceyu nel que la democracia nun s'atopa per nenyuri. Un conceyu al que-y habríen de dar el premiu, tamién, de "espátula d'oru", arriendes de ser esta ferramienta indispensable nel llabor de les brigaes de llimpieza, con instrucciones precises pa la erradicación de cualisquier mensaxe "subversivu" que llegue a les cais d'Uviéu. Por supuesto, estes instrucciones que torguen la contrainformación nun se dan cuando se promocionen eventos como corríes de toros, circos o nes mesmes elecciones, tapando la voz de "los y les que molesten" pa que nun tengan espaciu pa la so espresión.

No que cinca al coleutivu inmigrante y a la xente más necesitao esta persecución fáise inda más ablucante, pretendiendo "llimpiar les cais de maleantes" al más puru estilu de la estrema derecha. Daquién habría d'entrugá-y a la Conceyala de "Seguridá Ciudadana" uvieína cómo va facer frente una persona indixente a una multa por mendicidá, si esta mesma ye la razón pola que malvive nes cais d'Uviéu, ensin programes de prevención y reinserción social nin viviendes sociales suficientes pa facer frente a una crisis de la que les y los probes nenguna culpa tienen. Al tiempu, perseguiráse l'exerciciu de la prostitución -nin siquiera a los usuarios- col acosu a les trabayadores. Nesti sen, brilla pola so ausencia'l debate ciudadanu y col propiu coleutivu de trabayadores sobre la so situación, demandes, espectatives etc. siguiendo col avezáu exerciciu de la hipocresía consistente en mirar pa otru llau y acoyer postures efectistes de cara a la sociedá como esta.

Tampoco podemos dexar de llau la idea qu'esporta esta conceyalía de la mocedá uvieíno, cola criminalización de les formes d'ociu y consumu d'alcohol nes cais, onde va acosase a les moces y mozos que tean en grupu -más de trés xuntos, como nes cárceles-, con una política de persecución y paternalismu, plantiando la dureza de les porres y les citaciones xudiciales frente a la formación de la mocedá en formes d'ociu alternatives o más atractives que les que se planteguen por un sector hosteleru que, otramanera, trema énte fenómenos nos que la mocedá ruempe los sos esquemes y les sos normes como nel casu del nomáu "botellón". Tamién tarán prohibíos los usos deportivos d'ociu de les víes públiques, como nel casu del skating, les bicicletes o'l patinaxe, curiosamente, ensin plantegar zones específiques pa la práutica d'estos deportes, quiciabes col enfotu de recaudar fondos ente una mocedá incapaz d'emancipase pa facer frente a la situación de bancarrota d'un ayuntamientu, consecuencia d'una xestión deficiente de munchos años.

Poro, Fai! felicita a les entidaes del CMU que col so sofitu faen partícipe al Conseyu nesa oposición a una ordenanza nefasta pa la vida democrática uvieína y amuesa'l so apoyu a cualisquier iniciativa qu'unitariamente se posicionare a la escontra de la mesma.


ORDENANZA REPRESORA ¡NON! CONVIVENCIA CIUDADANA Y DEMOCRACIA DIRECTA Y ASAMBLEARIA ¡SÍ!


N'Uviéu, a 18 de payares de 2009.

Estrayíu de la páxina web de Fai Asturies.

miércoles, 18 de noviembre de 2009

La campaña “Doi la Cara pola Oficialidá” algama les 10.000 semeyes


El 3 de xunu del 2008, el Conceyu Abiertu pola Oficialidá presentó una campaña bien novedosa: “Doi la Cara pola Oficialidá”, que consiste na recoyida masiva y esposición per Internet de semeyes individuales de persones retratándose con un mesmu cartel, que lleva’l testu que da nome a la campaña.

Esta iniciativa, según el CAO, "creóse col oxetivu de llograr el reconocimientu de la oficialidá de la llingua asturiana na próxima reforma del Estatutu d’Autonomía".

Un añu depués, dende'l Conceyu Abiertu pola Oficialidá afiten que "la respuesta de la xente foi mui positiva y yá son 10.000 les persones concretes que dan la Cara pola Oficialidá, dende xente anónimo hasta deportistes, músicos… Por eso, al llegar a esta cifra significativa, va facese un actu de celebración que va tener como escenariu La Pola Siero, el día 28 d’esti mes de payares

Estrayíu d'Asturies.com

Charra-alderique en Barcelona: 102 dies baxo la llei antiterrorista



El prósimu vienres 27 de Payares, les organizaciones Endavant OSAN y CAJEI organicen una charra na que trataran el casu del Fer, amás de la situación del movimientu independentista n'Asturies y la represión a esti mesmu.

El vienres anterior, 20 de Payares, la proyeición del documental "Silenci, aquí es tortura", abrirá esti averamientu de la esquierda independentista catalana haza'l nuesu país.

Desconvocada la Xuntanza Antifacista d'Aviles (Cronica Rueda de prensa)


Na ilesia de San Nicolas d'Asis, nel llugar onde añu tres añu el cura d'esta parroquia afala l'homenaxe al dictador facista Franco y al fundador de la falange, Primo de Rivera fizose publicu el comunicáu de prensa que vién darréu:

El Conceyu Autonomu de la CAA n'Avilés, UNA, CSI, FAMYR,CGT-Uviéu, PCPE, CJC, UP, El Militante y Sindicatu d'estudiantes dirixense a los medios de comunicación y a la opinión publica pa denunciar lo que vién:

1.Que'l delegáu del gobiernu español n'Asturies, Antonio Trevin, prohibió una xuntanza pa la "sensibilización y la reivindicación de los valores antiracistes, antifacistes y poles llibertáes ciudadanes" convocada pol Conceyu Antifacista d'Avilés

2.Qu'una de les razones pa dicha prohibición ye la realización el mesmu dia de " una ofrenda floral a Francisco Franco y Jose Antonio Primo de Rivera, en el que se entona el denominado himno Cara al Sol"

3.Que resulta inadmisible que'l delegáu del gobiernu prohiba una xuntanza pa la sensibilización sobre valores y derechos humanos, al empar que permite actos publicos d'exaltación de los valores facistes y d'homenax a la dictadura franquista.

4.Emplazamos al delegáu de gobiernu a que prohiba estos actos d'homenax al dictador Franco y que cesé la persecución de quién llucha por una sociedá xusta ya igualitaria pa toes y toos.


Nun ye la primer vegeda que'l señor Antonio trevín illegaliza una xuntanza antirracista. N'Ochobre del 2008 illegalizó una xuntanza antirracista n'Uviéuponiendo la sida de que diba cellebrase un conciertu neonazi illegal nel pub MADHOUSE. Ante un actu illegal la rempuesta del señor Trevín ye illegalizar a los antirracistes.

Por otra parte, delegación de gobiernu amenacia al convocante de tomar aiciones llegales escontra suyu en casu de cellebrase la xuntanza polo que quinxo dexar bien claru que la Xuntanza Antifacista d'Avilés d'esti 20-P queda DESCONVOCADA.

Espublizáu en Glayíu.

martes, 17 de noviembre de 2009

Actividaes antifacistes de la CAA coincidiendo col 20-P


Este payares la CAA organiza unes Xornaes Antifacistes que van entamar el sábadu 14 de Payares n'Uviéu (Llocal Cambalache) con una xornada Senegal-Asturies: a les 15:00 hs. espicha antiracista; a les 16.30 hs. xuegos tradicionales d'equi y d'elli y Gimkana; y, a les 18:00 hs., Charra-Alderique: Relatos d'inmigracion (contaos polos sos protagonistes)

El llunes 16 de payares en Xixón charra con Ruben Vega "Desenrollu y crisis del movimientu obreru asturianu nel tardofranquismu y na transicion", na Casa Sindical, 20:00 hores.

El miércoles 18 de payares en Xixón charra con Rafael Rodríguez Valdés "Ut uulgi utar sermone more patrie. LlingUes y clases sociales n'Asturies", na Casa Sindical, 20:00 hores.

El vienres 20 de payares en Xixón, dende l'astilleru de Naval Xixón, manifestación antifacista a les 19:00 hores. A les 20:00 hores conciertu Asturies Antifa Attack con Dixebra, A Quemarropa, Gomeru, Doris, SC Ganja Sound con Nebula Selektah.


Noticia estrayía de www.glayiu.org

martes, 10 de noviembre de 2009

Los asturianos, xunto catalanes y vascos los que menos s'identifiquen con España.


Sigún una nueva encuesta sobre la pertenencia a España de les diferentes CCAA, fechu por la Fundación Bertelsmann, les asturianes y los asturianos son los terceros pola cola no qu'a identificación a España se refier. Solo vascos y catalanes identifiquense menos con España que nós. EL porcentaxe d'asturianxs que nun s'identifiquen con España ye de 22,2 %.
Los más identificaos con España son los estremeños, madrileños y castellanolleoneses.

Por otru llau, los ciudadanos asturianos son los que menos identificaos con Europa se sienten del Estáu, con un 42,9% d'identificación. Los más "europeistes" son los catalanes y valencianos. Los menos nós acompangaos de los ciudadanos y ciudadanes vasques.

La encuesta fízose esti pasáu mes d'ochobre a 1.501 presones, de cara al II congresu " Dialogo y Acción",de la Fundación Bertelsmann, que cellebrase güei en Madrí.


¡¡¡ASTURIES ENXAMÁS NUN SEDRÁ ESPAÑA!!!

Charra y Coloquiu: Represión y LLei Antoterrorista con Núria Portulas. Xueves 12-P.

Reinaguración del Llar d'Andecha de Xixón


Dempués de delles selmanes tando preslláu por obres de reacondicionamientu, el Llar d’Andecha de Xixón (Cai Prendes Pando 11) anuncia la so reapertura con una espicha esti prósimu vienres 13 de payares de magar les 8 la tardi.

Tres el remocicamientu, el Llar d’Andecha va ampliar l’horariu d’apertura (mañán y tardi), y cunta con importantes meyores empobinaes al so usu comu llar social.

Nesti sen cuntará confastera WIFI llibre, proyeutor, biblioteca,…. Arriendes d’ello, el Llar d'Andecha tamién abrirá’l so usu a otres organizaciones socio-polítiques y culturales (L’Ayalga, Darréu, Remanecer, Paxaru Pintu, …).

martes, 3 de noviembre de 2009

Darréu escontrá l'asfaltáu de la Ruta l'Alba

La organización independentista de mocedá asoleyó na so páxina web la siguiente noticia:


"La organización de mocedá Darréu punxo delles pancartes a l’entamu de la Ruta l’Alba como refuga a l’asfaltau de la mesma. Les pancartes punxieronse en Soto d ‘Agues y na zona d’obres.

Van destinase 684.000 euros a la destrucción de 3 nuevos kilómetros de la ruta l’Alba correspondientes al recorriu ente Puente na Vega y Cruz de los rios. Esti nuevu asfaltau ye complemetariu a un primeru que se fizo ente los pueblos de Soto d’ Agues ya’l puente de Retorturiu.

Demientres la execución de les obres tan xenerándose munches protestes de montañeros, senderistes y pola propia xente de los pueblos afeutaos, ente les reivindicaciones de la xente puen sintise coses como “Que’l formigón supondrá un grave impautu ecolóxicu pa les especies presentes na ruta” y que “La ruta, al nun ser de gran dificultá nun necesitaba asfaltase”. Amás, la ruta pierde la so esencia al llantar n’ella’l formigón, elementu urbanu dafechu, alloñáu de lo que tien de ser una ruta montañera y de senderismu y que supón un grave impautu medioambiental.

Poro dende la organización de mocedá Darréu dexisimos que se dexe nidio l’informe de impautu ambiental,creemos que los erros que se tan produciendo colos informes nun son más que decisiones polítiques, y una agresión más a la ñatura y el territoriu asturianu cola fin última de siempres, qu’estos mesmos, los de siempres, saquen perres.

Dexiximos la inminente realización d’un estudiu “de calidá” de impautu medioambiental tanto del primer tramu como del segundu. Camentamos que los pueblos afeutaos pol formigonáu de la ruta deben tar informaos dafechu, y non embullaos con informes fraudulentos. Amá,s caltenemos que ye salvaxe l’actuación en si del fechu d’echar formigón na ruta. Una aición que fadrá que los ciudadanos y ciudadanes s’esmolezcan, pues ye un cambéu mui agresivu y ensín dengún xaciu posible.

Pedimos responsabilidades direutes d’estos informes a la viceconseyera de mediu ambiente Belén Fernández y el so equipu, pues camentamos que ye intolerable un ataque asina a la ñatura, por fierru que quieran quita-y a l’asuntu.

¡ BASTA DE MANIPULACIÓN!

¡ POLA DEFENSA DE LA NUESA TIERRA !

¡ POLA DEFENSA DE LA ÑATURA ¡"

Fai! fala de "violación de l'autonomía universitaria" y pide amparu al Rector.


Fai! fala de "violación de l'autonomía universitaria" na entrada inxustificada y reiterada de la policía nel Campus de Santuyano y pide amparu al Rector
La organización, presente nel Claustru de la Universidá d'Uviéu, fexo públicu un comunicáu nel qu'espresa la so indignación pola violación reiterada del espaciu universitariu per parte d'axentes de la policía, n'actitú despreciatible y humillante pa coles/os presentes, a la gueta d'estupefacientes ente los y les estudiantes.

Sigún se denuncia, el pasáu 22 d'ochobre de 2009 nel campus d'Humanidaes de la Universidá d'Uviéu, un grupu d'axentes entamaron una inxustificada redada a la gueta d'estupefacientes ente les y los estudiantes que s'atopaben nesi intre na terraza de la cafetería del campus, espaciu que ta embaxo de la xurisdicción universitaria pa la que la institución tien contrataos a vixilantes de seguridá privada. La persecución, mesa a mesa, n'actitú de superioridá, dexó ablucaos y ablucaes a les y los presentes, en primer llugar, pola entrada nun recintu universitariu, supuestamente ensin permisu del Rector nin d'otros muérganos universitarios, y en segundu llugar poles maneres de los propios funcionarios, qu'amás abandonaron les dependencies ensin la incautación de sustancies prohibíes.

Nun ta de más recordar que, la constitución española nel so artículu 27.10 recueye'l derechu a l'Autonomía de la Universidá, como garante de les llibertaes y la independencia frente a les presiones esternes qu'impidieren la llibertá de cátedra, la difusión cultural, del saber y l'estudiu y la investigación, en virtú de lo cual la entrada de les fuerces de seguridá del estáu tien que tener el preste del propiu Rector universitariu.

Poro, y como nesti mesmu añu nun ye la primer nin la segunda vegada qu'esta escena se repite: acosu a les y los estudiantes nel campus con perros antidroga, nuna actitú que Fai! cree mui alloñada de toa óptica academicista y de formación cultural, la organización pidi amparu al Rector de la Universidá pa que torgue cualquier tipu de violación y asaltu de los derechos de les y los universitaries y universitarios n'ámbitos académicos y de divulgación científica.

Asinamesmo, Fai! quier dexar afitada la so defensa de la llegalización de les drogues prohibíes anguaño, pa finar cola lacra de la economía somorguiada que xeneren y la hipocresía d’una sociedá que mira pa otru llau mentres narcotraficantes y el propiu sistema saquen tayada. Una llibertá de consumu que nun puede dexar de llau una pernecesaria información a la mocedá y al restu de la sociedá sobre les consecuencies sanitaries del consumu de toles drogues, ensin escepción, dende l’alcohol y el tabacu a les denomaes “drogues dures”, recordando que la mesma Universidá ye ún de los espacios más importantes p'afondar na información y formación de la sociedá y, n'especial, del coleutivu más xuvenil.

N'Uviéu, a 30 d'ochobre de 2009

Darréu sofita al trabayador despedíu en Duro Felguera y desixe la so readmisión.



La organización de mocedá Darréu asoleyó un comunicáu esti últimu fin de selmana col envís de sofitar al sindicalista despedíu en Felguera Construcciones Mecánicas y asina desixir la so readmisión. El comunicáu ye'l siguiente:

El pasáu 25 d’ochobre la direición de Felguera Construcciones Mecánicas,
que ta dientru’l grupu Duro Felguera fixo públicu’l despidu d’un de los
trabayadores que formaben el comité d’empresa. Esti trabayador, Juan Pablo
López Barroso, lleva 10 años en Duro Felguera, 6 de los cuales tuvo
participando nel comité d’empresa, siendo voceru de los trabayadores en
munchos casos.

La empresa lu despide por un supuestu problema de salú, que lu impide
trabayar supuestamente, cosa que ñega l’afectáu. Amás, DF se defiende
presentando un informe mélicu qu’ellabora una mutua a la cual paga DF. El
despediu, por contrariu tien informes de la seguridá social, más imparcial
por supuestu, que ñeguen que nun puea desendolcar el so trabayu. L’afectáu
punxo una denuncia nos tribunales a la empresa por esti fechu.

Nun dexa de ser curiosu que’l trabayador despedíu, que pue desendolcar el
so trabayu perfechamente, presentará fai un mes varies denuncies ente la
Inspeción de Trabayu. Nestes denuncies acusaba a la direición de Felguera
Construcciones Mecánicas de cometer “ práctiques d’acosu llaboral y
sindical”. Darréu, un mes dempués vien el so despidu, escudandose la
empresa n’argumentos falsos. Nun ye la primera vegada que acusen a la
direición de DF, la so filial nesti casu, de práctiques d’acosu y
represión escontra los sos trabayadores. El propiu trabayador califica de
montaxe’l despidu y l’aición de la direción de la empresa, pa asina
desfacese d’un trabayador que resulta-yos molestu.

Poro, dende la organización de mocedá Darréu caltenemos qu’esti despidu
nun ye namás qu’un montaxe, como califica’l propiu trabayador. Montaxe que
sirve a DF pa quitar de delantre a un sindicalista que defiende los
drechos llaborales de lxs compañerxs y los suyos propios, daqué que
camentamos que nun tolera la direición de la empresa. Asina, dende la
Mocedá Independentista Revolucionario desiximos la readmisión del
despedíu, yá que paezmos un nuevu atropellu a la llibertá de los
trabayadores y un nuevu ataque de la patronal n’Asturies. Ún de los
munchos que vienen asocediendo nestos tiempos caberos. Una patronal, que
lloñe de pensar nel futuru d’Asturies economicamente apuesta pol
desmantelamientu llaboral d’Asturies. Y emplega como ferramienta represiva
pa desendolcar esti desmantelamientu la represión, les amenaces y los
depidos, acompangaos colos ERES.

Asina llamamos a la mocedá a participar y sofitar la movilización
qu’entama l’Asamblea de Trabayadores de Felguera Construcciones Mecánicas
esti prósimu llunes 9 de payares a les 9:00 nel xulgáu de Mieres. Esta
convocatoria se fai coincidiendo col xuiciu del sindicalista y despedidu.
Ye perimportante que’l trabayador y el restu d’estos nun ten solos y la
mocedá s’implique nestes movilizaciones, pues el futuru que mos quieren
dexar estos lladrones ye mui escuru, y ente esto debes dar rempuesta.

¡ DESPEDÍU READMISIÓN!

¡POL FUTURU LLABORAL EN LLANGRÉU Y N’ASTURIES!

¡PUXA LA LLUCHA DE PUEBLU TRABAYADOR!