Cuasi 54.000 persones tan al paru n'Asturies
El númberu de paraos rexistraos xubió en 3.963 persones n'ochobre n'Asturies, lo que supón un 7,93% más qu'en setiembre. La cifra total de persones desemplegaes algamó les 53.917, según datos asoleyaos güei pol Ministeriu español de Trabayu y Inmigración.
En términos interañales, el paru nel "Principado" medró n'ochobre. Asina, nel últimu añu, el paru acumula una subida de 4.784 persones (+9,47%). Del total de paraos rexistraos hai 30.773 muyeres y 23.144 homes.
El seutor de la economía asturiana nel que más medró'l desemplegu n'ochobre foi'l de servicios, onde hubo 2.403 paraos más llegando a los 35.731; siguíu de la construcción con 709 paraos más algamando los 7.195. El paru tamién creció na industria, 424 paraos más llegando a los 5.803 y na agricultura, con 91 desemplegaos más hasta llegar a los 669 paraos. El sector ensin emplegu anterior medró en 336 persones, con un total de 4.519 paraos.
Esti añu ficiéronse yá 27.418 contratos, de los que 24.525 foron temporales y menos de 3.000 indefiníos. No que va d'añu perdiéronse 3.924.
